BDSM 與道德

點解我地唔敢光明正大咁玩 BDSM？因為好多時都會俾人話 BDSM 唔道德。遇着呢啲站喺道德高地嘅人好多時都係有理說不清，唔知點應對。咁 BDSM 係唔係唔道德呢？我地試下理性去面對人地既批評同回應對方。講理性，哲學就係最講理性。我哋嘗試一切以道德哲學去探討下呢個問題，判斷一下 BDSM 係唔係真係唔道德。

假設我地釐清道德係乜既概念後，咁我地點樣去論證呢？其實前人已經提出唔少既理論俾我地參考來判斷一個行為係唔係道德。主要有四個理論，分別係功利主義、康德倫理學、自由主義、儒家思想。

簡單介紹「後果論」

功利主義又叫「後果論」；康德倫理學又叫「義務論」；自由主義又叫「權利論」；儒家思想又叫「德性論」。由佢地既別名，大家可以睇出道德可以由四個不同方向去思考。

細節就唔講太多，畢竟呢道唔係哲學討論既場所，我地試下借功利主義理論應用落去判斷 BDSM 既道德問題。就以繩綁既行為為例，繩綁係 BDSM 中最常見既行為。道德人士會認為綁住人，令人失去自由，係唔道德既。

以「後果論」去睇，功利主義認為道德就係為了帶來好既後果，令生活更美好，所以行為是否道德取決於後果。而後果係乜嘢呢？功利主義認為就係「幸福 (happiness)」。咁幸福係乜嘢呢？幸福就係「有快樂，冇痛苦」，不幸就係「有痛苦，無快樂」。咁幸福嘅對象係邊個呀？係所有人。簡而言之，就係行為既結果所有人既幸福同不幸加起來，幸福多過不幸嘅行為就係道德嘅行為；否則，就係唔道德嘅行為。

咁繩綁係唔係唔道德呢？我地就要睇環境。如果你係街是但捉一個人繩綁，果個人感覺不幸，佢周邊既人因為佢突然被綁，所以失去應有既幸福（約左本來做某樣嘢，但做唔到），只有你綁人既感到幸福。整體社會上加起嚟，不幸多過幸福，所以係「唔道德」。

但係平時我地既活動，係雙方約定同意，自已喱埋係房玩，咁同周邊嘅人無關係，亦唔會有周邊嘅人失去應有嘅幸福，綁者同被綁者都係自願，自願既原因係個體上幸福多過不幸。整體社會上加起嚟，幸福多過不幸，所以係「道德」。

雖然都係繩綁一個人，你可以睇到重點係意願同對同邊既影響，意願只會係幸福多過不幸下發生；自已喱埋係房玩；咁樣既情況下，整體社會上一定係「幸福多過不幸」，完全係講唔到「唔道德」。