喺三月我哋舉行咗以性玩具為主題嘅陶瓷工作坊，學員個個都別出心裁，設計出獨一無二嘅精緻玩具。自製鞭拍打玩具就聽得多，估唔到連插入嘅肛塞同假陽具都可以親手製作。成品唔單止靚，仲好硬淨又防水，可以話出得廳堂入得睡房。

每件陶器都需要經過塑形、素燒、上釉、釉燒等多重工序先會成形，一啲都唔容易㗎。好彩有耐心嘅導師夫婦指導我哋，啲仔仔女女先至可以順利誕生。雖然製作上色同等待風乾入窑嘅時間都幾漫長，但一見到咁靚嘅成品就知道呢一個月嘅等待係值得嘅。由零開始製作出屬於自己嘅性玩具，嗰一份滿足感真係無與倫比。特別鳴謝導師們願意同異色者一齊創作藝術，展現出異色嘅多姿多彩！

話說當初尋找陶藝工作室合作其實都摸咗幾次門釘，但係皇天不負有心人，852 有幸遇到開明嘅 K 導師。藝術其實可以有好多種形式，最重要係創作者享受製作過程，並將自己嘅心情灌注入作品。雖然原材料陶泥係死物，但每一件陶瓷玩具都係有生命，係無價藝術品。咁多位喺 Work From Home 時期都不妨留意下身邊事物，發掘下異色藝術嘅無限可能性。

編輯：雲

#異色活動