情人節送咩好？舖頭買禮物好似唔夠誠意，又驚收嗰個本身有？嗱，自己整就肯定最獨一無二啦。講到 DIY，梗係唔少得異色玩具！喺琴日我哋就舉行咗第一個皮具工作坊，一齊製作愛心皮拍。

參加者可以自選形狀同顏色，製作屬於自己嘅皮拍。除咗用料矜貴（高級義大利牛皮）之外，過程仲花咗好多心血。每一下落斬、每一下穿線，都係貫注咗製作者嘅心思。而努力係會得到回報，出嚟嘅成品每一塊都咁靚呀。

喺呢度再次感謝咁多位嘅支持同參與。特別要鳴謝皮革工作室嘅 E 導師，細心教導我哋製作皮拍（仲係咁幫我哋補鑊）。最後，祝大家情人節快樂，玩得痛快，day day have fun！

PS：如果大家有咩 DIY Idea 不妨留個言，可能會願望成真（？）

編輯：雲
 

#異色活動